Президент Республики Южная Осетия

Президент Гаглойты Алан раарфӕ кодта филолог зонӕдты кандидат, профессор Плиты Гацырӕн йӕ 90-азон юбилейы цытӕн.

Арфӕйы ныхасы дзырдӕуы:

«Цытджын Гацыр Гаврилы фырт!

Зӕрдиагӕй дын арфӕ кӕнын дӕ 90-азон юбилейы цытӕн!

Ды дӕ ирон интеллигенцийы зынгӕ минӕвар, номдзыд литературон ӕмӕ театралон критик, профессор, публицист ӕмӕ ирон литературӕйы ӕвӕллайгӕ иртасӕг. Дӕ куыстытӕ систы национ гуманитарон хӕзнадоны ӕнӕфӕхицӕнгӕнӕн хай ӕмӕ Ирыстоны культурон ӕмӕ зонадон царды ахсынц бӕрзонд бынат.

Дӕ цардвӕндаг, дӕ бирӕвӕрсыг архайд ӕвдисынц, кӕй дӕ ирон культурӕ ӕмӕ ирон дзырдыл ӕнувыд ӕцӕг намысджын ӕмӕ принципиалон ахуыргонд ӕмӕ патриот.

Ды дӕ алы къахдзӕфӕй дӕр цырын кӕныс иртасджытӕ, ахуыргӕндтӕ ӕмӕ культурӕйы архайджыты ӕвзонг фӕлтӕры удтӕ.

Ацы цытджын ӕмӕ нысаниуӕгджын бон дын зӕрдӕбынӕй бузныг зӕгъын дӕ бирӕазон ӕмӕ ӕнувыд архайды тыххӕй.

Мӕ зӕрдӕ дын зӕгъы ӕнӕфӕцудгӕ ӕнӕниздзинад, бирӕ азты цӕрӕнбон, удвидардзинад ӕмӕ ног сфӕлдыстадон ӕнтыстытӕ!»