Арфӕ ирон адӕмӕн Уастырджымӕ кувӕн бонты цытӕн

16 ноября 2025 года

Зынаргъ æмбæстæгтæ!

Æппæт зæрдæйæ уын арфæ кæнын ирон адæмы иууыл кадджындæр бæрæгбон – Уастырджымæ кувæн бонты цытæн. Стыр Уастырджы у ирон адæмы уæларвон сæрхъызой æмæ æххуысгæнæг уæд махæй алкæмæн дæр.

Уастырджыйы ном табуйаг у алкæцы ирон хæдзары дæр, æмæ йæм æнусты дæргъы куывтой нæ фыдæлтæ.

Абоны бон мах уæлдай тыхджындæр хатæм æмæ æнкъарæм, æнæмæнгæй нæ иудзинад кæй хъæуы, уымæн æмæ нæ Фыдыбæстæйы фидæн у нæ иумиаг бæрндзинад.

Стыр Уастырджы нын æххуысгæнæг уæд, цæмæй Ирыстоны дарддæры райрæзты фæндагыл æнтыстджынæй цæуæм æмæ нæ разы лæууæг хæстæ сæххæст кæнын нæ къухы фæрнæй бафта. Дарддæр дæр арфæ кæнæд нæ адæмæн, нæ зæххæн, йæ цæст нын бауарзæд сабырад, фидыдад, хуыздæр сомбон. Нæ бинонтæ, нæ хъæбултæ, нæ хæстонты нын йæ сыгъзæрин базыры бын бакæнæд æмæ сæ алы фыдбылызæй бахизæд!

Сæрмагонд хæстон операцийы нын цы хæстонтæ исынц хайад, уыдон уæлахиздзаутæй, сæрæгас æмæ æнæнизæй цы æрыздæхой сæ райгуырæн бæстæ æмæ сæ бинонтæм, уыцы хорзæх нын скæнæд Стыр Уастырджы!

Хъæлдзæг, æнæниз æмæ амондджын ут!

Разделы: Новости Обращения
Версия для печати
Дата публикации: 16 ноября 2025 года