Æппæтдунеон æхсæнадон змæлд «Аланты Ныхас»-ы Координацион Советы Сæрдар Фриаты Хъазыбег раарфæ кодта Президент Гаглойты Аланæн йæ райгуырæн боны цытæн.
Арфæйы телы дзырдæуы:
«Цытджын Алан!
Æппæтдунеон æхсæнадон змæлд «Аланты Ныхас» дын арфæ кæны дæ Гурæнбоны фæдыл: фидар æнæниздзинад, бинонты цардамонд, зынгæ æмæ ахъаззаг æнтыстытæ царды æмæ куысты мидæг!
Дæ уды цы рæсугъд нысан æвæрд ис, уымæн йæ хæстæ бафтæнт дæ къухы кад æмæ радимæ, цин æмæ æхсызгондзинадимæ!
Ныфс нæ ис, кæй сæххæст кæндзынæ де’ стырдæр хæс – адæмы цард фæхуыздæр кæнын бæрцвылдæрæй, фæсивæдимæ куысты, æнæмæнг Æгъдауы бындурыл, кæй бафтдзысты дæ къухы стыр хъомыладон æнтыстытæ: рæзгæ фæлтæрты тырнындзинад фылдæрмæ, удыхъæдæй та уæлдай хъаруджындæр суæвынмæ – барджын хъуыддæгты».